Reportajen Adroaldo ‘Saretukau’

Eskola Sekundáriu Públiku Dom Martinho da Costa Lopes, Maliana, Munisípiu Bobonaro ho total estudante na’in 2752 (mane 1079, feto 1673) ho sala de aula 20 ba Ciência Naturais (CT) no Ciência Sociais e Humanidades (CHS). Estudante hosi 1⁰ – 3⁰ anu tuir aula loron ida oras tolu de’it. No preokupasaun seluk hosi estudante mak professor matéria Desportu no Teknolojia menus liu, difikulta sira aprende matéria rua ne’e.

Estudante Dom Martinho da Costa Lopes, Malian, Lorença Brites hateten, Professora ladun sufisiente tanba professor matéria laiha ba estudante sira, “professor matéria Desportu ho Teknolojia, maibé professor teknoloia agora iha, professor desportu mak agota laih, ami hakarak husu ba Diretor da Eskola tenki aumenta professor matéria ba eskola ida ne’e.” Nia dehan ba Neon Metin, 26/09.

Nune’e Neon Metin halo konfirmasaun ho Gabinete Apoiu Tékniku (GAT), Eskola Dom Martinho da Costa Lopes, Maliana, Nidia Afonso Barreto Soares hateten, profesor ba matéria Teknolojia hamutuk na’in ida, Desportu na’in rua.

“Professor ba matéria Desportu mos na’in rua de’it. Konabá valor sira ne’e, estudante sira pratika fila-fali komputador hafoin fo valor ba estudante sira, nune’e mos matéria Desportu ne’e halo fila-fali traballu ruma depois fo valor. Hanesan diretiva, poder ne’ebé hala’o oinsá profesor sira ne’e bele hanorin to’o klase hotu nune’e alunus bele asesu ba aprendijazen, maibé kestaun profesor la to’o ne’e tanba estudante barak demais.”

Eskola Dom Martinho aula fahe ba parte tolu, dader, meiu-dia no loraik. Iha dader aula ba 3⁰ anu hosi tuku 08:00-11:00, aula ba 2⁰ anu hahú tuku 11:00-14:00 no ukus 1⁰ anu iha tuku 15:00-18:00.

“Husi klase sira ne’e sala de aula hamutuk 20 ba programa Ciência Naturais (CT) no Ciência Sociais e Humanidades (CHS). Husi klase 1⁰ – 3⁰ anu CT hamutuk sala 10, nune’e mos ba CHS sala aula 10 hosi 1⁰ – 3⁰.  Maibé tuir oráriu normal ne’e eskola hahú husi tuku 08:00-12:00 maibé kestaun sala de aula no menus professor, entaun ami hamenus oras ba 3.”

Tanba kondisaun estudante barak no sala de aula la sufisiente ba estudante sira, nune’e sira sente presiza tebes sala de aula 10 hanesan ne’e tan ba alunus sira, tanba dadaun ne’e kada estudante iha sala ida total hamutuk 60 resin, oi-tuan liu mak 40 resin, nune’e estudante tuir matéria iha aula oras 3 de’it.

 “Konaba profesor Desportu oras ida selu $1 ba profesor hafoin hanorin estudante sira, maibé osan ki’ik entaun profesor Desportu deside para kuaze fulan 3 resin ona.” Tanba professor menus, nune’e sira tau importánsia ba klase 3⁰ anu de’it.

Eskola Dom Martinho nia “profesor Desportu da-dauk ne’e hamutuk na’in 2 de’it mak hanorin hotu estudante hosi klase 1⁰ anu to’o 3⁰ anu. Professor Teknolojia da-dauk ne’e na’in 1 de’it, maibé nia esforsu tuir nia forsa hodi hanorin nafatin klase 3 nune’e alunus labele falta ba matéria teknolojia no desportu nian”

“Loron ida matéria rua, eskola sekundáriu ne’e matéria ne’e oras 4 maibé sira halo oras 2 de’it. Professor.” Dehan GAT, Nidia.

Eskola Dom Martinho iha professor permanente na’in 41, kontratadu na’in hitu

Fonte Notísia: https://neonmetin.info/buletin/2023/09/11/estudante-dom-martinho-maliana-total-2752-ho-sala-20-labele-akumula-hotu-aula-oras-3-deit/