Maliana, loron 15 fulan Jullu 2025- Sua Exelénsia Ministru Edukasaun Interinu Sr. Domingos Lopes Lemos, vizita kortezia ba Eskola Sekundária Jerál Públika Centrál Dom Martinho da Costa Lopes no Ensinu Báziku Centrál N⁰ 02 Maliana, hodi haree diretamente estudante sira ne’ebé dadaun ne’e hala’o hela ezame II periodu no rona diretamente preokupasaun ne’ebé durante ne’e profesór sira hasoru iha terrenu.

Hafoin halo vizita ba eskola rua ne’e iha entrevista Sua Exelénsia Ministru Edukasaun Interinu Sr. Domingos Lopes Lemos, hateten ohin Profesór sira hato’o ona sira nia preokupasaun barak liu-liu espasu ba sala de aula, tanba estudante ESGP barak tebetebes entaun espasu ba sira menus no haree diretamente ba estudante sira ne’ebé mak dadaun ne’e hala’o hela ezame II periodu nian iha eskola refere

“Ohin ita haree prosesu ezame la’o ho di’ak, kona-ba espasu menus ne’e dadaun ne’e estudante sira aula turnu tolu dader to’o lokraik”.

Eskola Sekundária Jerál Públika Centrál Dom Martinho da Costa Lopes Maliana estudante hamutuk na’in 1200, profesór na’in 60 no EBC N⁰ 02 estudante na’in 90.

#jornalistarita
#traduçãojoãoamarál
#MédiaME

Fonte Notísia : https://www.moe.gov.tl/me/atividade/15ministru-edukasaun-interinu-vizita-kortezia-ba-eskola-esgp-dom-martinho-da-costa-lopes-no-ensinu-baziku-central-n-02-maliana